التفاصيل العلمية The Frizz Fighter
زيت السكوالان
ايه هو زيت السكوالان ؟
السكوالان هو الشكل المشبع من مادة اسمها السكوالين، وده بيتم عن طريق عملية اسمها “الهدرجة”. مادة السكوالين في شكلها الطبيعي فيها روابط مزدوجة بتخليها غير مستقرة ومش مناسبة للاستخدام في المنتجات.
في سنة 1950، الكيميائي الفرنسي “سيباستيان سابيتاي” طوّر فكرة تحويل السكوالين لسكوالان عن طريق إضافة ذرات هيدروجين، وده خلّى المركب أكثر ثباتًا واستقرارًا.
من وقتها، السكوالان بقى مكوّن مشهور جدًا في مستحضرات التجميل لأنه ثابت، خفيف، مش بيسيب أثر دهني، وفي نفس الوقت بيدي ترطيب عميق للبشرة والشعر.
إيه هو السكوالين؟ وإيه الفرق بينه وبين السكوالان؟
السكوالين هو مادة طبيعية بيكوّنها جسمنا في الزيوت اللي بيفرزها الجلد، وبتساعد تحافظ على نعومة البشرة والشعر وترطيبهم بشكل طبيعي.
المادة دي كمان موجودة في نباتات زي الزيتون وقصب السكر، بس مشكلتها إنها مش ثابتة، بتتأكسد بسرعة أول ما تتعرض للهوا أو الضوء، وده بيخليها ما تنفعش تتستخدم لوحدها في منتجات مستحضرات التجميل
وهنا بييجي دور السكوالان، اللي بيتعمل من السكوالين عن طريق عملية اسمها “الهدرجة” ودي بتخليه أكثر ثبات و استقرار، وفي نفس الوقت بيحتفظ بكل فوايده في الترطيب والتغذية.
ببساطة:
السكوالين هو الشكل الطبيعي اللي مش ثابت،
أما السكوالان فهو النسخة المستقرة اللي بنستخدمها في مستحضرات التجميل
السكوالان بيشبه الزيوت الطبيعية اللي في البشرة وفروة الراس، وده بيديله قدرة رهيبة على الترطيب من غير ما يسيب أي إحساس دهني.
بيخلي الشعر ناعم، لامع، وصحي أكتر وده بالظبط السبب اللي خلانا نستخدمه في The Frizz Fighter
التركيب الكيميائي
فوايد السكوالان للشعر
بيرطّب الشعر بعمق ويرجّعله نعومته من غير ما يبقى دهني
بيتحكم في الهيشان ويخلّي كل خصلة ناعمة ومتناسقة
بيرجع اللمعة الطبيعية للشعر ويديله مظهر صحي
بيقوي الشعرة ويحافظ على مرونتها علشان تفضلي بشعر قوي وحيوي
إزاي السكوالان بيشتغل على الشعر
شعرك بطبيعته بيفرز زيوت علشان يفضل مترطب لكن استخدام الحرارة والصبغات والعوامل الجوية ممكن تسحب منه الترطيب الطبيعي
وهنا بييجي دور السكوالان
بيعوّض الزيوت اللي فقدها الشعر وبيخليه ناعم ومرن من تاني
بيحبس الترطيب جوا الشعر
بينعّم سطح الشعرة وبيقلل الهيشان ويدي لمعة طبيعية
بيحمي الشعر من التكسر عن طريق تقوية وتغذية كل خصلة
وبفضل قوامه الخفيف بيمتص بسرعة جدًا من غير ما يسيب أي إحساس دهني
The Triple Nourish Formula
الشعر الجميل يستحق أكتر من مجرد عناية سطحية، محتاج تغذية حقيقية تدوم.
علشان كده Frizz Fighter معمول بتقنية Triple Nourish Formula — تركيبة علمية متوازنة من زيت الأرجان، وزيت المكاديميا، والسكوالان، مصممة علشان ترجّع الحيوية لشعرك من أول استخدام.
كل مكوّن ليه دور محدد في تحقيق التوازن المثالي:
زيت الأرجان ينعم الشعر الهايش ويدي لمعة طبيعية
زيت المكاديميا يرجّع الترطيب والنعومة المفقودة
السكوالان بيحافظ على الترطيب وبيحمي الشعر من التلف
مع بعض، بيقدّموا تغذية متكاملة تعيد للشعر قوته وملمسه الناعم ولمعانه الطبيعي، علشان يفضل صحي، وسهل التصفيف من غير مجهود.
اعملي sleek look بمنتج واحد
بعد ما اتكلمنا عن تفاصيل السكوالان للشعر دلوقتي جه دورك تجربي أول hair wax stick غني بالسكوالان و المكاديميا و الأرجان.