التفاصيل العلمية Triple Glow Serum
حمض الهيالورونيك
ايه هو حمض الهيالورونيك؟
حمض الهيالورونيك هو مكون طبيعي موجود في الجلد والمميز فيه قدرته الاستثنائية على جذب الميه والاحتفاظ بيها
جزيء واحد منه يقدر يشيل لحد ألف مرة وزنه مايه
وده معناه ترطيب عميق وطويل المدى لان المايه بتتوزع تدريجيًا في البشرة فبتفضل ناعمة مشدودة ومشرقة
علشان كده حمض الهيالورونيك من أهم المكونات اللي بتحافظ على نضارة البشرة وحيويتها بشكل طبيعي
هل كنتي تعرفي؟
حمض الهيالورونيك في الحقيقة هو نوع من السكر تحديدًا نوع من الجليكوزامينوجلايكان وده عبارة عن سلسلة طويلة من وحدات السكر المزدوجة
طب لو هو سكر ليه اسمه حمض؟
كل وحدة سكر في حمض الهيالورونيك فيها مجموعات اسمها كربوكسيليك أسيد ودي السبب في إن اسمه فيه كلمة حمض
المجموعات دي هي اللي بتخلي حمض الهيالورونيك يقدر يرتبط بجزيئات الميه بشكل قوي جدًا علشان كده هو مرطب فعّال جدًا
وفي منتجات العناية بالبشرة بيتستخدم عادة في صورته اللي اسمها صوديوم هيالورونات ودي شكل الملح من الحمض وبتكون أكثر ثباتًا وأسهل في امتصاص البشرة
ببساطة كلمة حمض جاية من تركيبته الكيميائية لأنه فيه مجموعات حمضية
وكلمة سكر جاية من مكوناته لأنها سلاسل من جزيئات السكر
والنتيجة مادة لطيفة بتحب الميه وبتحافظ على ترطيب البشرة ومرونتها من غير ما تبقى قوية أو مقشرة زي الأحماض التانية زي الجليكوليك أو الساليسيليك
التركيب الكيميائي
ايه هي فوايد حمض الهيالورونيك لبشرتك؟
حمض الهيالورونيك ليه مجموعة فوايد مهمة بتخليه جزء أساسي في أي روتين عناية بالبشرة
ترطيب طبيعي وعميق
بيشتغل كمرطب طبيعي يجذب الميه ويحتفظ بيها جوا البشرة علشان يديها مظهر صحي ومشدود
حماية مضادة للأكسدة
بيحتوي على خصائص مضادة للأكسدة بتساعد البشرة تحارب تأثير التلوث والعوامل البيئية اللي بتسبب شيخوخة مبكرة
يحافظ على مرونة البشرة
بيساعد البشرة تفضل مرنة وناعمة وملمسها أنعم وشكلها أصغر
يقلل الخطوط الرفيعة والتجاعيد
لأنه بيرطب البشرة بعمق وبيخليها مشدودة فبيقلل من ظهور الخطوط الرفيعة والتجاعيد ويديها مظهر ناعم بشكل طبيعي
ازاي حمض الهيالورونيك بيشتغل؟
ببساطة تخيلي إن حمض الهيالورونيك زي المغناطيس اللي بيجذب الترطيب لبشرتك
بيسحب الميه من الهوا ويحتفظ بيها جوا الجلد وبيقدر يشيل لحد ألف مرة وزنه ميه علشان يخلي بشرتك طرية ومنتعشة ومشرقة طول اليوم
كمان بيساعد يقوي حاجز البشرة ويحميها من الجفاف ويحافظ على مرونتها
الوزن الجزيئي ودوره في فعالية حمض الهيالورونيك
فعالية حمض الهيالورونيك بتعتمد بشكل كبير على الوزن الجزيئي بتاعه، وكل نوع ليه دور مميز في الحفاظ على صحة البشرة وترطيبها
حمض الهيالورونيك منخفض الوزن الجزيئي
ده شكله الخفيف اللي بيوصل لطبقات أعمق في البشرة، وبيساعد على تجديد الخلايا، وتحسين المرونة، وتقليل الخطوط الرفيعة علشان يدي مظهر أنعم وأصغر
حمض الهيالورونيك عالي الوزن الجزيئي
النوع ده بيشتغل على سطح البشرة، وبيكوّن طبقة واقية بتحبس الترطيب جوا الجلد وبتحميه من الجفاف والعوامل البيئية، فبتفضل البشرة طرية ورطبة لفترة أطول
اللي بيميز تركيبة السيروم بتاعنا فعلًا هو إنه بيحتوي على أكتر من نوع من حمض الهيالورونيك، وكل نوع مختار بعناية علشان يوصل لطبقة معينة من البشرة
والنتيجة؟ ترطيب عميق يدوم يخلي بشرتك دايمًا ناعمة ومنتعشة
The Triple Glow Synergy
كل مكون في السيرم ده اختارناه بعناية علشان يكمل التاني ويخلق تركيبة متوازنة وقوية بتعالج أكتر من مشكلة في البشرة في نفس الوقت
الألفا اربيوتين بيساعد يقلل البقع الغامقة ويوحد لون البشرة عن طريق تقليل إنتاج الميلانين الزايد
النياسيناميد (فيتامين ب ٣) بيقوّي حاجز البشرة وينعم ملمسها وبيقلل الاحمرار علشان يديها مظهر أنعم وأهدى
حمض الهيالورونيك بيرطب البشرة بعمق وبيخليها مشدودة ومترطبة وناعمة
مع بعض بيكوّنوا منتج فعال بيفتح وينعم ويرطب البشرة ويخليها نضرة وصحية مع كل استخدام
جاهزة تشوفي نضارة بشرتك ؟
دلوقتي بعد ما عرفتي أكتر عن حمض الهيالورونيك، المكوّن الأساسي ورا الترطيب العميق ، جه الوقت تشوفي إزاي بيشتغل بانسجام مع النياسيناميد والألفا اربيوتين علشان يوازن بشرتك ويظهر نضارتها الطبيعية
بدل ما تعالجي كل مشكلة لوحدها
triple glow serum
بيقدملك حل متكامل في منتج واحد
اضغطي تحت وضيفيه لروتينك اليومي واكتشفي السر ورا البشرة الصحية المشرقة اللي كنتي بتدوري عليها